பாராளுமன்றம்

புதிய பொலிஸ்மா அதிபர் சி.டி. விக்ரமரத்ன அவர்கள் இன்று (02) பிற்பகல் இலங்கை பாராளுமன்றத்தில் கெளரவ சபாநாயகர் மஹிந்த யாப்பா அபேவர்தன அவர்களை சந்தித்தார்.

இதன்போது கருத்து தெரிவித்த சபாநாயகர், இலங்கை காவல்துறையின் தேசிய பொறுப்பை நிறைவேற்ற புதிய பொலிஸ்மா அதிபர் அதிக கவனம் செலுத்த வேண்டும் என்று கேட்டுக்கொண்டார்.

அத்தோடு, சபாநாயகர் அவர்கள் புதிய பொலிஸ்மா அதிபருக்கு தனது வாழ்த்துக்களை தெரிவித்துக்கொண்டதோடு இலங்கை பொலிஸ்துறையை சிறந்த நிலைக்கு கொண்டு செல்லவும், மேம்படுத்தவும் நடவடிக்கை எடுக்கவேண்டும் என்றும் கேட்டுக்கொண்டார்.

பொலிஸ்மா அதிபர்  சி.டி. விக்ரமரத்ன அவர்கள் இலங்கையின் 35 ஆவது பொலிஸ்மா அதிபர் என்பது குறிப்பிடத்தக்கது.