பாராளுமன்றம்

பாராளுமன்ற கட்டிடத்தொகுதியிலுள்ள அரசாங்க பொறுப்புமுயற்சிகள் பற்றிய குழு அறை இலக்கம் 05 இல் குழு அமர்விற்காக பொருத்தப்பட்டிருக்கும் ஒலிபரப்புத் தரமான கெமரா அமைப்பு முறைமையை கையளிக்கும் நிகழ்வு 2019 ஆகஸ்ட் 09 ஆம் திகதி வெள்ளிக்கிழமை நடைபெற்றது. பாராளுமன்றத்தின் சபாநாயகர் கௌரவ கரு ஜயசூரிய அவர்களினால் இந்த முறைமை திறந்து வைக்கப்பட்டதுடன், பிரதி சபாநாயகர் கௌரவ ஜே.எம். ஆனந்த குமாரசிறி, அரசாங்க பொறுப்புமுயற்சிகள் பற்றிய குழுவின் தவிசாளர் கௌரவ. சுனில் ஹந்துன்னெத்தி, குழுவின் உறுப்பினர்கள் மற்றும் பாராளுமன்ற செயலாளர் நாயகம் ஆகியோர் இதில் கலந்து கொண்டனர். அரசாங்க பொறுப்புமுயற்சிகள் பற்றிய குழு அமர்வுகள் இப்போதிருந்து ஊடகங்களுக்கு திறக்கப்படும்.