பாராளுமன்றம்

320/2024

கௌரவ கவீந்திரன் கோடீஸ்வரன்,— பொது நிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) கல்முனை வடக்குப் பிரதேச செயலகப் பிரிவானது, 1989 இல் உப மாவட்ட......

320/2024

கௌரவ கவீந்திரன் கோடீஸ்வரன்,— பொது நிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) கல்முனை வடக்குப் பிரதேச செயலகப் பிரிவானது, 1989 இல் உப மாவட்ட செயலகப் பிரிவாக தாபிக்கப்பட்டதன் பின்னர் 1993.03.17ஆம் திகதிய 93/600/034 ஆம் இலக்க மற்றும் 1993.03.31 ஆம் திகதிய 93/600/034(I) ஆம் இலக்க அமைச்சரவை நிருபங்கள் மற்றும் 1993.07.09 ஆம் திகதிய அமைச்சரவை உபகுழுவின் அறிக்கை என்பவற்றை அடிப்படையாகக் கொண்டு 1993.09.28 ஆம் திகதிய அமைச்சரவையின் அங்கீகாரத்துடன் ஒரு பிரதேச செயலகமாகத் தரமுயர்த்தப்பட்டது ௭ன்பதையும்;

(ii) அதற்கமைய, 34 வருடங்களுக்கும் மேலாக அது ஒரு சுயாதீனமான பிரதேச செயலகமாக இயங்கி வருகின்றதென்பதையும்;

(iii) கல்முனை - வடக்கு (தமிழ்ப் பிரிவு) பிரதேச செயலகத்தை, கல்முனை -தெற்கு பிரதேச செயலகத்தின் ஓர் உப அலுவலகமாகத் தரமிறக்குவதற்கான முயற்சிகள் மேற்கொள்ளப்பட்டு வருகின்றன என்பதையும்;

அவர் அறிவாரா?

(ஆ) (i) மேலே (அ)(iii) இல் குறிப்பிடப்பட்டுள்ளவாறு தரமிறக்குவதற்கு அமைச்சரவை தீர்மானமொன்றை மேற்கொண்டுள்ளதா என்பதையும்;

(ii) ஆமெனில், மேற்படி அமைச்சரவைப் பத்திரம் சமர்ப்பிக்கப்படுமா என்பதையும்;

(iii) இன்றேல், இத்தகைய தரமிறக்கத்தின் அடிப்படை யாதென்பதையும்;

(iv) அமைச்சரவைத் தீர்மானத்தை விஞ்சி, பிரதேச செயலகமொன்றை, உப பிரதேச செயலகமொன்றாகத் தரமிறக்குவதற்கு ஓர் அமைச்சின் செயலாளருக்கு / அரச அலுவலரொருவருக்கு இயலுமையுள்ளதா என்பதையும்;

(v) ஆமெனில், அதன் சட்டபூர்வத்தன்மை யாதென்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

323/2024

கௌரவ (திருமதி) சட்டத்தரணி நிலந்தி கொட்டஹச்சி,— பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சரைக் கேட்பதற்கு,—

(அ) (i) இலங்கைப் பொலிஸில், பொலிஸ் குதிரைப்படைப்......

323/2024

கௌரவ (திருமதி) சட்டத்தரணி நிலந்தி கொட்டஹச்சி,— பொதுமக்கள் பாதுகாப்பு மற்றும் பாராளுமன்ற அலுவல்கள் அமைச்சரைக் கேட்பதற்கு,—

(அ) (i) இலங்கைப் பொலிஸில், பொலிஸ் குதிரைப்படைப் பிரிவொன்று உள்ளதா;

(ii) ஆமெனில், தற்பொழுது அப்பிரிவிலுள்ள குதிரைகளின் எண்ணிக்கை எத்தனை;

(iii) மேற்படி எண்ணிக்கையானது வயதுப் பிரிவுகளின் அடிப்படையில் வெவ்வேறாக யாது;

என்பதை அவர் இச்சபைக்கு அறிவிப்பாரா?

(ஆ) (i) பொலிஸ் குதிரைப்படைப் பிரிவிற்கு 15 இனவிருத்திக்குரிய ஆண் குதிரைகளை இறக்குமதி செய்வதற்காக LA/SJ/300/2024 என்ற இலக்கத்தின் கீழ் விலைமனு கோரப்பட்டுள்ளதா;

(ii) ஆமெனில், அதற்காக சமர்ப்பிக்கப்பட்ட விலைமனுக்களின் எண்ணிக்கை எத்தனை;

(iii) மேற்குறித்த குதிரைகளை இறக்குமதி செய்வதற்காக தெரிவு செய்யப்பட்ட வழங்குநர் யார்;

(iv) மேற்குறிப்பிடப்பட்ட விலைமனுவிற்கமைய மேற்குறித்த 15 குதிரைகளை இறக்குமதி செய்வதற்காக செலவு செய்யப்படும் பணத்தொகை எவ்வளவு;

என்பதையும் அவர் இச்சபைக்கு அறிவிப்பாரா?

(இ) இன்றேல், ஏன்?

324/2024

கௌரவ லால் பிரேமநாத்,— பெருந்தோட்ட மற்றும் சமூக உட்கட்டமைப்பு வசதிகள் அமைச்சரைக் கேட்பதற்கு,—

(அ) (i) இலங்கையிலிருந்து ஏற்றுமதி செய்யப்படுகின்ற தேயிலைக்கு செஸ்வரி......

324/2024

கௌரவ லால் பிரேமநாத்,— பெருந்தோட்ட மற்றும் சமூக உட்கட்டமைப்பு வசதிகள் அமைச்சரைக் கேட்பதற்கு,—

(அ) (i) இலங்கையிலிருந்து ஏற்றுமதி செய்யப்படுகின்ற தேயிலைக்கு செஸ்வரி அறிவிடப்படுவதனை அறிவாரா;

(ii) தற்பொழுது ஒரு கிலோகிராம் தேயிலைக்காக அறவிடப்படுகின்ற செஸ்வரி எவ்வளவு;

(iii) 2024 ஆம் ஆண்டில் மேற்படி செஸ்வரி மூலமாக ஈட்டப்பட்ட வருமானம் எவ்வளவு;

(iv) மேற்படி வருமானத்திலிருந்து, இலங்கை தேயிலைச் சபை, சிறு தேயிலைத் தோட்ட அபிவிருத்தி அதிகார சபை மற்றும் தேயிலை ஆராய்ச்சி நிலையம் ஆகிய நிறுவனங்களுக்கு வழங்கப்பட்டுள்ள பணத்தொகை வெவ்வேறாக எவ்வளவு;

(v) மேலே குறிப்பிடப்பட்ட ஒவ்வொரு நிறுவனமும் மேற்படி பணத்தொகையை செலவு செய்துள்ள விதம் தொடர்பிலான அறிக்கையொன்றினை சமர்ப்பிப்பாரா;

என்பதையும் அவர் இச்சபைக்கு அறிவிப்பாரா?

(ஆ) இன்றேல், ஏன்?

321/2024

கௌரவ அஜித் கிஹான்,— பெருந்தோட்ட மற்றும் சமூக உட்கட்டமைப்பு வசதிகள் அமைச்சரைக் கேட்பதற்கு,—

(அ) (i) கடந்த காலத்தில், வரையறுக்கப்பட்ட சிலாபம் பெருந்தோட்டக் கம்பனிக்குச்......

321/2024

கௌரவ அஜித் கிஹான்,— பெருந்தோட்ட மற்றும் சமூக உட்கட்டமைப்பு வசதிகள் அமைச்சரைக் கேட்பதற்கு,—

(அ) (i) கடந்த காலத்தில், வரையறுக்கப்பட்ட சிலாபம் பெருந்தோட்டக் கம்பனிக்குச் சொந்தமான காணிகளில் மணல் அகழப்பட்டு விற்பனை செய்யப்பட்பட்டுள்ளதை அறிவாரா என்பதையும்;

(ii) ஆமெனில், மணல் விற்பனையின் நோக்கங்கள் யாவையென்பதையும்;

(iii) சுற்றாடல் ரீதியாக பாதகமான இச்செயற்பாடு தொடர்பில் மேற்கொண்டுள்ள நடவடிக்கைகள் யாவை என்பதையும்;

அவர் இச்சபைக்கு அறிவிப்பாரா?

(ஆ) (i) மேற்படி கம்பனியின் தென்னந்தோட்டங்களிலிருந்து ஈட்டப்டுகின்ற வருடாந்த வருமானம் எவ்வளவு என்பதையும்;

(ii) மேற்படி கம்பனிக்குச் சொந்தமான தென்னந்தோட்டங்களை இந்தியாவின் அமுல் கம்பனிக்கு வழங்குவதற்கு கடந்த அரசாங்கங்களால் நடவடிக்கைகள் மேற்கொள்ளப்பட்டிருந்ததை அறிவாரா என்பதையும்;

(iii) அதன் தற்போதைய நிலைமை யாதென்பதையும்;

(iv) மேற்படி கம்பனியின் தென்னந்தோட்டங்களில் விளைச்சல் குறைவடைவதற்கான காரணங்கள் யாவையென்பதையும்;

(v) மேற்படி தென்னந்தோட்டங்களின் விளைச்சலை அதிகரிப்பதற்கு மேற்கொள்ளப்படும் நடவடிக்கைகள் யாவையென்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

322/2024

கௌரவ அஜித் கிஹான்,— வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சரைக் கேட்பதற்கு,—

(அ) (i) புத்தளம் மாவட்டத்திலுள்ள அதிகமானோர் இத்தாலியில் தொழில்......

322/2024

கௌரவ அஜித் கிஹான்,— வெளிநாட்டலுவல்கள், வெளிநாட்டு வேலைவாய்ப்பு மற்றும் சுற்றுலா அமைச்சரைக் கேட்பதற்கு,—

(அ) (i) புத்தளம் மாவட்டத்திலுள்ள அதிகமானோர் இத்தாலியில் தொழில் புரிவதோடு அவர்களது சாரதி அனுமதிப் பத்திரத்தை புதுப்பித்துக் கொள்ள இயலாதுள்ளமை முக்கியமானதொரு பிரச்சினையாக மாறியுள்ளது என்பதை அவர் அறிவாரா;

(ii) ஆமெனில், அது தொடர்பில் மேற்கொள்ளப்படும் நடவடிக்கைகள் யாவை;

(iii) வெளிநாட்டு வேலைவாய்ப்பில் ஈடுபட்டுள்ள இலங்கைப் பணியாளர்கள் மனிதாபிமானமற்ற சித்திரவதைகளுக்கு ஆளாக்கப்படுகின்றனர் என்பதை அறிவாரா;

(iv) ஆமெனில், அது தொடர்பில் மேற்கொள்ளப்படும் நடவடிக்கைகள் யாவை;

(v) வெளிநாட்டில் வேலை பெற்றுத் தருவதாக உறுதியளித்து பணமோசடி செய்கின்ற நிறுவனங்கள்/நபர்களுக்கு எதிராக சட்டத்தை நடைமுறைப் படுத்துவதற்காக மேற்கொள்ளும் நடவடிக்கைகள் யாவை;

(vi) மோசடி செய்துள்ள பணத்தை மீளப் பெற்றுக்கொள்வதற்காக மேற்கொள்ளும் நடவடிக்கைகள் யாவை;

என்பதை அவர் இச்சபைக்கு அறிவிப்பாரா?

(ஆ) இன்றேல், ஏன்?

319/2024

கௌரவ இம்ரான் மகரூப்,— வலுசக்தி அமைச்சரைக் கேட்பதற்கு,—

(அ) (i) 2023.01.01 திகதி தொடக்கம் 2024.12.20 திகதி வரையான காலப்பகுதியில் கிண்ணியா மின் பாவனையாளர் சேவை நிலைய ஆளுகைப்......

319/2024

கௌரவ இம்ரான் மகரூப்,— வலுசக்தி அமைச்சரைக் கேட்பதற்கு,—

(அ) (i) 2023.01.01 திகதி தொடக்கம் 2024.12.20 திகதி வரையான காலப்பகுதியில் கிண்ணியா மின் பாவனையாளர் சேவை நிலைய ஆளுகைப் பிரதேசத்தில் மின் விநியோகம் துண்டிக்கப்பட்ட மணித்தியாலங்களின் எண்ணிக்கை ஒவ்வொரு பிரதேசத்திற்கமைவாக வெவேறாக யாதென்பதையும்;

(ii) மேற்படி மின் துண்டிப்புக் காரணமாக இணையத்தளம் ஊடாகக் கல்வி கற்கும் மாணவர்கள் மற்றும் வேலைக்குச் செல்வோர் உள்ளிட்ட அப்பிரதேசங்களில் வாழும் பொதுமக்கள் கடுமையாகப் பாதிக்கப்பட்டமையை அவர் ஏற்றுக்கொள்வாரா என்பதையும்;

(iii) தொடர்ச்சியாக இவ்வாளுகைப் பிரதேசத்தில் மின் விநியோகம் துண்டிக்கப்படுகிறது என்பதை அவர் அறிவாரா என்பதையும்;

(iv) ஆமெனில், அதற்கான காரணங்கள் யாவையென்பதையும்;

(v) அதற்கான தீர்வுகள் வழங்கப்பட்டுள்ளனவா என்பதையும்;

அவர் இச்சபைக்கு அறிவிப்பாரா?

(ஆ) (i) அச்சிடப்பட்ட மின்கட்டணப் பட்டியலுக்குப் பதிலாக குறுஞ்செய்தி ஊடாக மாதாந்த மின்கட்டணப் பட்டியலை வழங்கும் முறையொன்று நடைமுறையில் உள்ளதை அவர் ஏற்றுக்கொள்வாரா என்பதையும்;

(ii) அதன் காரணமாக சூட்டிகை (ஸ்மார்ட்) கைத்தொலைபேசிகளை கொண்டிராதோர் மாத்திரமன்றி வயோதிப மின் பாவனையாளர்களும் மிகுந்த சிரமத்திற்குள்ளாகின்றனர் என்பதை அவர் ஏற்றுக்கொள்வாரா என்பதையும்;

(iii) ஆமெனில், அதற்குப் பதிலாக முன்னர் போன்றே அச்சிடப்பட்ட கட்டணப் பட்டியலை வழங்க நடவடிக்கை மேற்கொள்ளப்படுமா என்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

316/2024

கௌரவ தேவானந்த சுரவீர,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—-

(அ) (i) மனுதாரர் திரு. முதுதந்திரிகே நிலங்க தில்சான் குறே மற்றும் இதர நான்கு மனுதாரர்களால்......

316/2024

கௌரவ தேவானந்த சுரவீர,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—-

(அ) (i) மனுதாரர் திரு. முதுதந்திரிகே நிலங்க தில்சான் குறே மற்றும் இதர நான்கு மனுதாரர்களால் சுகாதார அமைச்சுக்கு எதிராக உயர்நீதிமன்றத்தில் தாக்கல் செய்திருந்த SC FR 55/2019 ஆம் இலக்கமுடைய 2019 பெப்ரவரி மாதம் 13 ஆம் திகதிய வழக்கு சம்பந்தப்பட்ட தரப்பினர்களின் முன்னிலையில் மத்தியஸ்தம் செய்யப்பட்டுள்ளதென்பதை அறிவாரா என்பதையும்;

(ii) மேற்படி மத்தியஸ்தத்தின்படி, 01 ஆம் மனுதாரர் ஆயுர்வேத கல்விசார் கற்கைநெறியைத் தொடர்வதற்கு 2019 ஆம் ஆண்டில் அனுமதிக்கப்பட்டுள்ளாரா என்பதையும்;

(iii) இலக்கம் 2 தொடக்கம் 5 வரையான மனுதாரர்கள் அவர்களது பரீட்சைகளை நடாத்தி முடித்துள்ளனரா என்பதையும்;

(iv) ஆயுர்வேத கல்விசார் கற்கைநெறியை ஆரம்பிப்பதற்கு ஆயுர்வேத திணைக்களத்தால் இன்றளவில் நடவடிக்கை மேற்கொள்ளப்பட்டுள்ளதா என்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?

317/2024

கௌரவ தேவானந்த சுரவீர,— நகர அபிவிருத்தி, நிர்மாணிப்பு மற்றும் வீடமைப்பு அமைச்சரைக் கேட்பதற்கு,—

(அ) (i) கொழும்பு –11, ஓல்கொட் மாவத்தையில் வர்த்தகத்தில் ஈடுபட்டிருந்த சில......

317/2024

கௌரவ தேவானந்த சுரவீர,— நகர அபிவிருத்தி, நிர்மாணிப்பு மற்றும் வீடமைப்பு அமைச்சரைக் கேட்பதற்கு,—

(அ) (i) கொழும்பு –11, ஓல்கொட் மாவத்தையில் வர்த்தகத்தில் ஈடுபட்டிருந்த சில வர்த்தகர்களை தத்தமது வர்த்தக நிலையங்களிலிருந்து அகற்றி "மிதக்கும் சந்தை'' வளாகத்தில் இவர்களுக்கு வர்த்தக நிலையங்கள் வழங்கப்பட்டுள்ளனவா என்பதையும்;

(ii) போதிய வியாபாரம் இன்மையால் மேற்படி வர்த்தக நிலையங்கள் இன்றளவில் தோல்வியைச் சந்தித்துள்ளதை அறிவாரா என்பதையும்;

(iii) அதனால், மேற்படி வர்த்தகர்கள் தாங்கள் ஏற்கெனவே வர்த்தகச் செயற்பாடுகளை முன்னெடுத்த இடங்களை மீளக் கோருவதை அறிவாரா என்பதையும்;

(iv) ஆமெனில், ஏற்கெனவே வர்த்தகச் செயற்பாடுகளை முன்னெடுத்த இடங்களை இவர்களுக்கு வழங்குவதற்கான சாத்தியம் காணப்படுகின்றதா என்பதையும்;

(v) "மிதக்கும் சந்தை"யை விருத்திசெய்வதற்காக இன்றளவில் மேற்கொண்டுள்ள நடவடிக்கை யான்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?

318/2024

கௌரவ (டாக்டர்) பத்மநாதன் சத்தியலிங்கம்,— பொதுநிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) பொ/நி/சு 03/2016 இன் சம்பள அளவுத் திட்டம் 2020.01.01 ஆம் திகதி......

318/2024

கௌரவ (டாக்டர்) பத்மநாதன் சத்தியலிங்கம்,— பொதுநிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) பொ/நி/சு 03/2016 இன் சம்பள அளவுத் திட்டம் 2020.01.01 ஆம் திகதி தொடக்கம் முழுமையாக அமுல்படுத்தப்பட்டதைத் தொடர்ந்து 2016.01.01 ஆம் திகதி தொடக்கம் 2019.12.31ஆம் திகதி வரையான காலப்பகுதியில் ஓய்வெடுக்கச் செய்யப்பட்ட ஓய்வூதியதாரர்களின் ஓய்வூதியமானது அதற்கேற்ப திருத்தப்பட்டது என்பதையும்;

(ii) 2019.11.11 ஆம் திகதிய அமைச்சரவைத் தீர்மானத்தின் பிரகாரம் 35/2019 ஆம் இலக்க பொ/நி/சுற்றறிக்கை வெளியிடப்பட்டது என்பதையும்;

(iii) 2020.01.02 ஆம் திகதி அதனைத் தற்காலிகமாக இடைநிறுத்துவதற்கான அமைச்சரவைத் தீர்மானம் மேற்கொள்ளப்பட்டது என்பதையும்;

(iv) இதன் காரணமாக 2016.01.01 ஆம் திகதி தொடக்கம் 2019.12.31 ஆம் திகதி வரை ஓய்வெடுக்கச் செய்யப்பட்ட ஓய்வூதியதாரர்களுக்கு 2020.01.01 ஆம் திகதி தொடக்கம் கிடைக்க வேண்டிய ஓய்வூதியம் கிடைக்காததால் இவர்கள் பாதிக்கப்பட்டுள்ளனர் என்பதையும்;

அவர் ஏற்றுக்கொள்வாரா?

(ஆ) (i) 2020.01.02 ஆம் திகதிய அமைச்சரவைத் தீர்மானத்தை இரத்துச் செய்து 2019.11.11 ஆம் திகதிய தீர்மானத்தை பயனுறுத்த நடவடிக்கை எடுக்கப்படுமா என்பதையும்;

(ii) 2020.01.01 ஆம் திகதி தொடக்கம் கிடைக்க வேண்டிய ஓய்வூதியத்தை 2025 ஆம் ஆண்டிலிருந்து செலுத்துவதற்கு நடவடிக்கை எடுக்கப்படுமா என்பதையும்;

(iii) ஆமெனில், அதற்காக 2025 ஆம் ஆண்டில் ஒதுக்கப்பட வேண்டிய நிதி எவ்வளவு என்பதையும்;

(iv) மேற்படி (அ)(iv) இன் பிரகாரம் பாதிக்கப்பட்டவர்களின் எண்ணிக்கை யாதென்பதையும்;

(v) இவர்களில் மரணமடைந்துள்ளவர்களின் எண்ணிக்கை எவ்வளவு என்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

302/2024

கௌரவ ரவி கருணாநாயக்க,— பிரதம அமைச்சர் மற்றும் கல்வி, உயர் கல்வி மற்றும் தொழிற் கல்வி அமைச்சரைக் கேட்பதற்கு,—

(அ) (i) வருடாந்தம் அரசாங்க மற்றும் தனியார் பாடசாலைகளில்......

302/2024

கௌரவ ரவி கருணாநாயக்க,— பிரதம அமைச்சர் மற்றும் கல்வி, உயர் கல்வி மற்றும் தொழிற் கல்வி அமைச்சரைக் கேட்பதற்கு,—

(அ) (i) வருடாந்தம் அரசாங்க மற்றும் தனியார் பாடசாலைகளில் முதலாம் வகுப்பிற்கு அனுமதிக்கப்படும் மாணவர்களின் எண்ணிக்கை யாதென்பதையும்;

(ii) மேலே குறிப்பிடப்பட்ட (i) இக்கு அமைவாக கடந்த ஐந்து ஆண்டுகளில் அனுமதிக்கப்பட்ட மாணவர்களின் எண்ணிக்கை யாதென்பதையும்;

(iii) கடந்த மூன்று ஆண்டுகளில் க.பொ.த (சா/த) மற்றும் க.பொ.த (உ/த) பரீட்சைகளுக்குத் தோற்றிய மற்றும் சித்தியடைந்த பாடசாலை மற்றும் தனிப்பட்ட பரீட்சார்த்திகளின் எண்ணிக்கை யாதென்பதையும்;

(iv) மேலே குறிப்பிடப்பட்ட க.பொ.த (உ/த) பரீட்சார்த்திகளில் சித்தியடைந்து அரசாங்கப் பல்கலைக்கழகங்களுக்கு தகுதிபெற்று அனுமதி கிடைக்கப்பெற்ற மாணவர்களின் எண்ணிக்கை யாதென்பதையும்;

அவர் இச்சபைக்கு வெவ்வேறாக அறிவிப்பாரா?

(ஆ) (i) பல்கலைக்கழக அனுமதிக்காக தகுதிபெற்றிருந்தும் பல்கலைக்கழகங்களுக்குள் அனுமதி கிடைக்கப்பெறாத மாணவர்களுக்காக எடுக்கப்பட்ட நடவடிக்கைகள் யாதென்பதையும்;

(ii) இலங்கையிலுள்ள தனியார் பல்கலைக்கழகங்களில் பதிவுசெய்துகொண்ட அத்தகைய மாணவர்களின் எண்ணிக்கை யாதென்பதையும்;

(iii) உயர் கல்விக்காக வெளிநாடுகளுக்குச் செல்லும் மாணவர்களின் எண்ணிக்கையுடன், கடந்த ஐந்து வருடங்களில் வெளிநாட்டுப் பல்கலைக்கழகங்களில் கல்விகற்கும் மாணவர்களுக்காக மதிப்பிடப்பட்ட வருடாந்தச் செலவினை இலங்கை ரூபா மற்றும் ஐக்கிய அமெரிக்க டொலர்களில் யாதென்பதை வெவ்வேறாகவும்;

(iv) கடந்த ஐந்து வருடங்களில் கல்விக்கான மொத்த ஒதுக்கீட்டுத் தொகை மற்றும் மொத்த உள்நாட்டு உற்பத்தியில் அதன் சதவீதம் யாதென்பதை வெவ்வேறாகவும்;

அவர் இச்சபைக்கு மேலும் அறிவிப்பாரா?

(இ) இன்றேல், ஏன்?

303/2024

கௌரவ ரவி கருணாநாயக்க,— வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சரைக் கேட்பதற்கு,—

(அ) (i) தற்போதைய கம்பனிகள் பதிவாளரின் பெயரையும்;

(ii) 2015......

303/2024

கௌரவ ரவி கருணாநாயக்க,— வர்த்தக, வாணிப, உணவுப் பாதுகாப்பு மற்றும் கூட்டுறவு அபிவிருத்தி அமைச்சரைக் கேட்பதற்கு,—

(அ) (i) தற்போதைய கம்பனிகள் பதிவாளரின் பெயரையும்;

(ii) 2015 முதல் 2024 வரையில் கம்பனிகள் பதிவாளர் பதவியினை வகித்தவர்களின் பெயர்களையும்;

(iii) இற்றைவரையில் கம்பனிகள் பதிவாளர் திணைக்களத்தினால் ஒருங்கிணைக்கப்பட்ட கம்பனிகளின் மொத்த எண்ணிக்கையினையும்;

(iv) 2010, 2015, 2020, 2021, 2022, 2023 மற்றும் 2024 ஆண்டுகள் ஒவ்வொன்றிலும், மேலும் 2025 ஆம் ஆண்டில் இற்றைவரையில் ஒருங்கிணைக்கப்பட்ட கம்பனிகளின் எண்ணிக்கையினை வெவ்வேறாகவும்;

(v) ஒரு கம்பனியினை ஒருங்கிணைப்பதற்கு எடுக்கும் சராசரி காலத்தினையும்;

(vi) மேலே (iii) இற்கு அமைவாக கம்பனிகளின் ஒருங்கிணைப்பு மூலம் திணைக்களத்தினால் ஈட்டப்பட்ட மொத்த வருமானத்தினையும்;

(vii) மேலே (iii) இற்கு அமைவாக தற்போது இயங்கும் செயல்முனைப்பான கம்பனிகளின் எண்ணிக்கையினையும்;

(viii) கம்பனிகள் பதிவாளர் திணைக்களம் முழுவதும் தன்னியக்கமாக்கப்பட்டுள்ளதா என்பதையும்;

அவர் இச்சபைக்கு அறியத் தருவாரா?

(ஆ) இன்றேல், ஏன்?

304/2024

கௌரவ ரவி கருணாநாயக்க,— போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சரைக் கேட்பதற்கு,—

(அ) (i) 2015 ஆம் ஆண்டு முதல் இற்றை வரை இலங்கைத் துறைமுக......

304/2024

கௌரவ ரவி கருணாநாயக்க,— போக்குவரத்து, நெடுஞ்சாலைகள், துறைமுகங்கள் மற்றும் சிவில் விமான சேவைகள் அமைச்சரைக் கேட்பதற்கு,—

(அ) (i) 2015 ஆம் ஆண்டு முதல் இற்றை வரை இலங்கைத் துறைமுக அதிகாரசபை மற்றும் தனியார் நிறுவனங்களுக்குச் சொந்தமான ஒவ்வொரு முனையத்திற்கும் வந்தடைந்த கப்பல்களின் எண்ணிக்கை யாதென்பதையும்;

(ii) அதே காலப்பகுதியில் அந்த முனையங்கள் ஒவ்வொன்றினாலும் கையாளப்பட்ட கொள்கலன்களின் எண்ணிக்கை யாதென்பதையும்;

(iii) அதே காலப்பகுதிக்கான அத்தகைய முனையங்கள் ஒவ்வொன்றினதும் தொழிற்பாட்டு இலாபம் எவ்வளவு என்பதையும்;

(iv) அதே காலப்பகுதியில் அதிகாரசபையால் ஈட்டப்பட்ட வருமானம் மற்றும் இலாபம் எவ்வளவு என்பதையும்;

(v) மேலே இல. (i) இல் குறிப்பிடப்பட்டுள்ள ஒவ்வொரு முனையங்களின் வினைத்திறன், அத்தகைய ஒவ்வொரு முனையங்களாலும் ஒரு மணி நேரத்திற்குக் கையாளப்பட்ட கொள்கலன்களின் எண்ணிக்கையின் மூலம் எவ்வளவு என்பதையும்;

வெவ்வேறாக அவர் இச்சபைக்கு அறிவிப்பாரா?

(ஆ) (i) 2020 ஆம் ஆண்டு தொடக்கம் 2024 ஆம் ஆண்டு வரை இலங்கையில் கையாளப்பட்ட கொள்கலன்கள் மற்றும் பொதுச் சரக்குகளின் மொத்த எண்ணிக்கை (தொன்களில்) யாதென்பதையும்;

(ii) அடுத்த பத்து ஆண்டுகளில் கையாள்வதற்கு எதிர்பார்க்கப்படும் கொள்கலன்கள் மற்றும் பொதுச் சரக்குகளின் எண்ணிக்கை (தொன்களில்) யாதென்பதையும்;

(iii) கடந்த 5 ஆண்டுகளில் கொள்கலன் கையாளுதலில் இலங்கையின் உலகத் தரவரிசை யாதென்பதையும்;

வெவ்வேறாக அவர் மேலும் இச்சபைக்கு அறிவிப்பாரா?

(இ) இன்றேல், ஏன்?

295/2024

கௌரவ சாமர சம்பத் தசனாயக,— பிரதம அமைச்சர் மற்றும் கல்வி, உயர் கல்வி மற்றும் தொழிற்கல்வி அமைச்சரைக் கேட்பதற்கு,—

(அ) (i) பத்தாவது பாராளுமன்றத்தில் அரசாங்க கட்சி......

295/2024

கௌரவ சாமர சம்பத் தசனாயக,— பிரதம அமைச்சர் மற்றும் கல்வி, உயர் கல்வி மற்றும் தொழிற்கல்வி அமைச்சரைக் கேட்பதற்கு,—

(அ) (i) பத்தாவது பாராளுமன்றத்தில் அரசாங்க கட்சி உறுப்பினர்களுக்கு வழங்கப்பட்டுள்ள வாகனங்களின் எண்ணிக்கை யாதென்பதையும்;

(ii) மேற்படி வாகனங்கள் எந்த அடிப்படையில் வழங்கப்பட்டுள்ளன என்பதையும்;

(iii) மேற்படி வாகனங்கள் சனாதிபதி அலுவலகத்தால் வழங்கப்பட்டுள்ளனவா என்பதையும்;

(iv) இன்றேல், அவற்றை வழங்கிய நிறுவனங்கள் யாவையென்பதையும்;

(v) மேற்படி வாகனங்களில் கடமையாற்ற அரசாங்க சாரதிகள் பணியமர்த்தப் பட்டுள்ளனரா என்பதையும்;

(vi) மேற்படி வாகனங்களுக்கான எரிபொருள், பராமரிப்புச் செலவுகள் மற்றும் காலமுறை சேவைகளை வழங்கும் நிறுவனங்கள் யாவையென்பதையும்;

(vii) மேற்படி வாகனங்களுக்காக மாதாந்தம் செலவிடப்படும் தொகை யாதென்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?

296/2024

கௌரவ சாமர சம்பத் தசனாயக,— பிரதம அமைச்சர் மற்றும் கல்வி, உயர் கல்வி மற்றும் தொழிற்கல்வி அமைச்சரைக் கேட்பதற்கு,—

(அ) (i) மாகாண சபை பாடசாலைகளிலிருந்து தேசிய பாடசாலைகளுக்கு......

296/2024

கௌரவ சாமர சம்பத் தசனாயக,— பிரதம அமைச்சர் மற்றும் கல்வி, உயர் கல்வி மற்றும் தொழிற்கல்வி அமைச்சரைக் கேட்பதற்கு,—

(அ) (i) மாகாண சபை பாடசாலைகளிலிருந்து தேசிய பாடசாலைகளுக்கு அரச ஆசிரியர்கள் இணைக்கப்பட்டுள்ளார்கள் என்பதை அறிவாரா என்பதையும்;

(ii) மேற்படி ஆசிரியர்கள் இணைக்கப்பட்டுள்ள கால எல்லையை மீண்டும் நீடிக்காதிருக்கத் தீர்மானிக்கப்பட்டுள்ளதா என்பதையும்;

(iii) மேற்படி கால எல்லை நீடிக்கப்படாததால், தேசிய பாடசாலைகளில் ஏற்படும் ஆசிரியர் வெற்றிடங்கள் எவ்வாறு சமநிலைப்படுத்தப்படும் என்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?

297/2024

கௌரவ சாமர சம்பத் தசநாயக்க,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) சுகாதாரம் மற்றும் வெகுசன ஊடக அமைச்சின் செயலாளர் வைத்தியர் திரு. அனில்......

297/2024

கௌரவ சாமர சம்பத் தசநாயக்க,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) சுகாதாரம் மற்றும் வெகுசன ஊடக அமைச்சின் செயலாளர் வைத்தியர் திரு. அனில் ஜாசிங்கவுக்கு எதிராக ஒழுக்காற்று விசாரணை மேற்கொள்ளப்பட்டுள்ளதா;

(ii) அவர் தொடர்பாக அரசாங்க கணக்காய்வாளர் தலைமை அதிபதியினால் கணக்காய்வு விசாரணை மேற்கொள்ளப்பட்டுள்ளதா;

(iii) திரு. ஜாசிங்க சுகாதாரம் மற்றும் வெகுசன ஊடக அமைச்சின் செயலாளராக நியமிக்கப்படும் தருணத்தில் மேற்குறிப்பிடப்பட்ட கணக்காய்வாளர் தலைமை அதிபதியின் விசாரணை நிறைவடைந்திருந்ததா;

(iv) மேற்படி விசாரணையில் திரு. ஜாசிங்க நிரபராதியாக காணப்பட்டுள்ளாரா;

(v) திரு. ஜாசிங்க சுகாதார சேவைகள் பணிப்பாளர் நாயகமாக பணியாற்றுகையில் ரூ. 29 இலட்சம் தொடர்பாக கணக்காய்வு விசாரணைக்கு உட்படுத்தப் பட்டுள்ளார் என்பதை ஏற்றுக்கொள்வாரா;

என்பதை அவர் இச்சபைக்கு அறிவிப்பாரா?

(ஆ) இன்றேல், ஏன்?

289/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) "கொவிட் –19" பெருந்தொற்றினால் இறந்தவர்களின் உடல்களை தகனம் செய்வதற்கு எதிராக தேசிய......

289/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) "கொவிட் –19" பெருந்தொற்றினால் இறந்தவர்களின் உடல்களை தகனம் செய்வதற்கு எதிராக தேசிய மற்றும் சர்வதேச ரீதியில் எதிர்ப்புகள் தெரிவிக்கப்பட்டதால், மட்டக்களப்பு "மஜ்மா நகர்" பிரதேசத்தின் காணி ஒன்றில் அவ்வுடல்கள் அடக்கம் செய்யப்பட்டதை அறிவாரா என்பதையும்;

(ii) மரணமடைந்த பின்னர் அவ்வாறு அடக்கம் செய்யப்பட்ட ஒவ்வொரு நபரினதும் பெயர், முகவரி, சமயம், பாலினம், சடலத்தின் பதிவிலக்கம், அடக்கம் செய்யப்பட்ட திகதி, அடக்கம் செய்யப்பட்டபோது மரணித்த ஒவ்வொருவர் சார்பிலும் கலந்துகொள்வதற்கு அனுமதிக்கப்பட்ட நபர்களின் எண்ணிக்கை, அவ்வாறு கலந்துகொண்ட நபர்களின் பெயர்கள் மற்றும் முகவரிகள் தனித்தனியே யாவையென்பதையும் ;

(iii) மரணித்த ஒவ்வொருவரின் நல்லடக்க நிகழ்வில் கலந்துகொண்ட நபர்களிடமிருந்து பணம் அறிவிடப்பட்டதா என்பதையும்;

(iv) ஆமெனில், அறவிடப்பட்ட தொகை எவ்வளவு என்பதையும்;

(v) பணம் அறவிடுவதற்காக அங்கீகாரம் பெற்ற நிறுவனங்கள்/நபர்கள் பற்றிய விபரங்கள் யாவையென்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?

291/2024

கௌரவ சட்டத்தரணி ரஊப் ஹகீம்,— பொது நிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) "கொவிட் – 19" பெருந்தொற்றினால் பீடிக்கப்பட்டு உயிரிழந்தவர்களை......

291/2024

கௌரவ சட்டத்தரணி ரஊப் ஹகீம்,— பொது நிர்வாக, மாகாண சபைகள் மற்றும் உள்ளூராட்சி அமைச்சரைக் கேட்பதற்கு,—

(அ) (i) "கொவிட் – 19" பெருந்தொற்றினால் பீடிக்கப்பட்டு உயிரிழந்தவர்களை நல்லடக்கம் செய்வதற்கு பொருத்தமான இடமாக அடையாளம் காணப்பட்ட மட்டக்களப்பு "மஜ்மா நகர்" மயானமானது இடுகாடுகள், சுடுகாடுகள் கட்டளைச் சட்டத்தின் பிரகாரம் உரித்தாகும் உள்ளூராட்சி நிறுவனம் யாது;

(ii) மேற்குறிப்பிட்ட மயானத்தின் பரப்பளவு யாது;

(iii) மேற்குறிப்பிட்ட காணி அரசாங்கத்துக்கு உரித்தானதா;

(iv) ஆமெனில், மேற்படி காணி சட்டரீதியாக சுவீகரிக்கப்பட்டுள்ள வர்த்தமானி அறிவித்தலை சமர்ப்பிப்பாரா?

(v) மேற்படி சுவீகரிப்புக்கான நட்ட ஈடு செலுத்தப்பட்டுள்ளதா;

என்பதை அவர் இச்சபைக்கு அறிவிப்பாரா?

(ஆ) (i) மேற்படி மயானத்தின் அபிவிருத்தி நடவடிக்கைகளுக்காக அரசாங்கம் ஒதுக்கீடு செய்துள்ள நிதித்தொகை மற்றும் தனிப்பட்ட தரப்பினர்களிடமிருந்து நன்கொடையாகக் கிடைக்கப்பெற்றுள்ள நிதித்தொகை வெவ்வேறாக யாது;

(ii) மேற்படி அபிவிருத்தி நடவடிக்கைகளுக்காக தனியார் தரப்பினரால் வழங்கப் பட்டுள்ள இயந்திரசாதனங்கள் உள்ளிட்ட ஏனைய சொத்துக்கள் யாவை?

என்பதையும் அவர் இச்சபைக்கு அறிவிப்பாரா?

(இ) இன்றேல், ஏன்?

292/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) 2024 ஆம் ஆண்டு நவம்பர் மாதத்தில் இலங்கையில் பெய்த கடும் மழையினால் ஏற்பட்ட......

292/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) 2024 ஆம் ஆண்டு நவம்பர் மாதத்தில் இலங்கையில் பெய்த கடும் மழையினால் ஏற்பட்ட வெள்ளப்பெருக்கு காரணமாக புத்தளம் ஆதார வைத்தியசாலையின் நோயாளர் தங்கும் விடுதிகள், வெளிநோயாளர் பிரிவுகள், சிகிச்சைப் பிரிவுகள் உள்ளிட்ட வைத்தியசாலை வளாகம் வெள்ளத்தால் மூழ்கியதென்பதையும்;

(ii) மேற்படி வைத்தியசாலையில் கழிவு நீரை வெளியேற்றவும், மழைநீர் வழிந்தோடவும் வடிகான் தொகுதி இல்லையென்பதையும்;

(iii) நோயாளர்களுக்குச் சிகிச்சை வழங்கும் வைத்தியசாலை வளாகங்கள் மிகவும் பாதுகாப்பாக பராமரிக்கப்படல் வேண்டுமென்பதையும்;

அவர் ஏற்றுக்கொள்வாரா?

(ஆ) ஆமெனில், மேற்படி வைத்தியசாலை வளாகத்தை மிகவும் பாதுகாப்பாக பராமரிப்பதற்கு எடுக்கப்படும் நடவடிக்கைகள் யாவையென்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

293/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) 2024 நவம்பர் மாதம் இலங்கையில் பெய்த கடும் மழையினால் ஏற்பட்ட வெள்ளம் காரணமாக கல்முனை,......

293/2024

கௌரவ சட்டத்தரணி ரஊப் ஹகீம்,— சுகாதாரம் மற்றும் வெகுசன ஊடக அமைச்சரைக் கேட்பதற்கு,—

(அ) (i) 2024 நவம்பர் மாதம் இலங்கையில் பெய்த கடும் மழையினால் ஏற்பட்ட வெள்ளம் காரணமாக கல்முனை, அஷ்ரப் ஞாபகார்த்த வைத்தியசாலையின் சத்திர சிகிச்சைக்கூடம், தீவிர சிகிச்சைப் பிரிவு, நோயாளர் தங்கும் அறைகள், வெளி நோயாளர் பிரிவு, சாய்சாலைகள், மருந்துக் களஞ்சியங்கள் உட்பட வைத்தியசாலை வளாகம் முற்றாக நீரில் மூழ்கியது என்பதையும்;

(ii) அதன் காரணமாக மேற்படி வைத்தியசாலையின் நடவடிக்கைகள் செயலிழந்தன என்பதையும்;

(iii) நோயாளர்களுக்கு சிகிச்சையளிக்கும் வைத்தியசாலை வளாகத்தை மென்மேலும் பாதுகாப்பாக பேணிவர வேண்டும் என்பதையும்;

அவர் ஏற்றுக் கொள்வாரா?

(ஆ) (i) மேற்படி வைத்தியசாலை நீரில் மூழ்கியதன் காரணமாக ஏற்பட்டுள்ள சேதம் மதிப்பீடு செய்யப்பட்டுள்ளதா என்பதையும்;

(ii) ஆமெனில், மேற்படி சேதம் எவ்வளவு என்பதையும்;

(iii) மேற்படி சேதத்தை வழமைக்குக் கொண்டு வருவதற்காக மேற்கொள்ளப்படும் நடவடிக்கைகள் யாவை என்பதையும்;

(iv) எதிர்காலத்தில் அவ்வாறான நிலைமை ஏற்படாதிருப்பதற்கு மற்றும் வைத்தியசாலை வளாகத்தை மென்மேலும் பாதுகாப்பாக பேணிவருவதற்கு மேற்கொள்ளப்படும் நடவடிக்கைகள் யாவை என்பதையும்;

அவர் இச்சபைக்கு அறிவிப்பாரா?

(இ) இன்றேல், ஏன்?

273/2024

கௌரவ எஸ்.எம். மரிக்கார்,— நகர அபிவிருத்தி, நிர்மாணிப்பு மற்றும் வீடமைப்பு அமைச்சரைக் கேட்பதற்கு,—

(அ) (i) கொழும்பு நகரிலுள்ள நகர அபிவிருத்தி அதிகாரசபைக்குச் சொந்தமான......

273/2024

கௌரவ எஸ்.எம். மரிக்கார்,— நகர அபிவிருத்தி, நிர்மாணிப்பு மற்றும் வீடமைப்பு அமைச்சரைக் கேட்பதற்கு,—

(அ) (i) கொழும்பு நகரிலுள்ள நகர அபிவிருத்தி அதிகாரசபைக்குச் சொந்தமான மொத்தக் காணியின் அளவு வெவ்வேறாக அடையாளம் காணப்பட்டுள்ளதா என்பதையும்;

(ii) மேற்படி காணிகளுள் முதலீட்டுக் கருத்திட்டங்களுக்கு பயன்படுத்துவதற்கு எதிர்பார்க்கப்படும் காணிகள் யாவையென்பதையும்;

(iii) மேற்படி ஒவ்வொரு காணியிலும் மேற்கொள்வதற்கு எதிர்பார்க்கப்படும் முதலீட்டுக் கருத்திட்டங்கள் வெவ்வேறாக யாவையென்பதையும்;

அவர் இச்சபைக்கு அறிவிப்பாரா?

(ஆ) இன்றேல், ஏன்?