පාර්ලිමේන්තුව

අමාත්‍යාංශවල නිලධාරීන් සඳහා පාර්ලිමේන්තු කටයුතු පිළිබඳ වැඩමුළුවක් ඊයේ පාර්ලිමේන්තුවේ කාරක සභා කාමර අංක 01 හි දී පැවැත්විණි. මෙම වැඩසටහන සංවිධානය කරන ලද්දේ ශ්‍රී ලංකා පාර්ලිමේන්තුව හා පාර්ලිමේන්තු කටයුතු අමාත්‍යාංශය විසිනි. මෙයට ස්ථාවර නියෝග, පාර්ලිමේන්තු වරප්‍රසාද, ව්‍යවස්ථාදායක ක්‍රියාවලි, කාරක සභා, පාර්ලිමේන්තු වෙබ් අඩවිය, පාර්ලිමේන්තුවට ඇතුළුවීම සහ අනෙකුත් පාර්ලිමේන්තු කටයුතු පිළිබඳ සැසි අන්තර්ගත විය. ඒවා මෙහෙයවනු ලැබුවේ පාර්ලිමේන්තු මහලේකම් කාර්යාලයේ නිලධාරීන් විසිනි. වැඩසටහන අවසානයේ දී සහභාගී වූවන් හට සහතික පත්‍ර ප්‍රදානය කෙරුණි.