පාර්ලිමේන්තුව

ගරු එම්. ජෝශප් මයිකල් පෙරේරා මහතාට "මිනුවන්ගොඩ සිංහ පදනම (සංස්ථාගත කිරීමේ)" පනත් කෙටුම්පත ඉදිරිපත් කිරීමට අවසර දෙන ලදී.


අද දින සභාවේ ප්‍රධාන කටයුතු

පහත සඳහන් විෂයන් (අද දින න්‍යාය පත්‍රයේ විෂය අංක 43 සිට 47 වශයෙන් සඳහන් වන) සභාව විසින් සම්මත කරන ලදී:-

(i) ශ්‍රී ලංකා විදුලිබල පනත යටතේ නියෝග
(ii) පාංශු සංරක්ෂණ පනත යටතේ නියෝග
(iii) සේවකයන්ගේ අයවැය සහන දීමනා පනත යටතේ නියෝග
(iv) ජාතික ගමනාගමන කොමිෂන් සභා පනත යටතේ නියෝග
(v) ග්‍රාමෝදය මණ්ඩල පනත (සංශෝධන) පනත් කෙටුම්පත - දෙවැනි වර කියවීම


මහජන ආරක්ෂක ආඥාපනත යටතේ යෝජනාව

1959 අංක 8 දරන පනතින් ද ජාතික රාජ්‍ය සභාවේ 1978 අංක 6 දරන පනතින් සහ 1988 අංක 28 දරන පනතින් ද සංශෝධිත (40 වන අධිකාරය වූ) මහජන ආරක්ෂක ආඥාපනතේ 2 වැනි වගන්තිය යටතේ අතිගරු ජනාධිපතිතුමා විසින් ඉහත කී ආඥාපනතේ II වැනි කොටසේ විධිවිධාන 2009 නොවැම්බර් මස 02 වැනි දින සිට ශ්‍රී ලංකාව මුළුල්ලේම ක්‍රියාත්මක කරමින් කරන ලද ප්‍රකාශය ගරු අග්‍රාමාත්‍ය, අභ්‍යන්තර පරිපාලන අමාත්‍ය සහ රාජ්‍ය ආරක්ෂක, මහජන ආරක්ෂාව, නීතිය හා සාමය පිළිබඳ නියෝජ්‍ය අමාත්‍යවරයා විසින් ඉදිරිපත් කරනු ලදුව සම්මත විය.

හදිසි නීතිය තවත් මසකට දීර්ඝ කරමින් හදිසි නීති යෝජනාව වැඩි ඡන්ද 78 කින් සම්මත විය. යෝජනාවට පක්ෂව ඡන්ද 95 ක් ප්‍රකාශ වූ අතර ඊට විරුද්ධව ඡන්ද 17 ක් ප්‍රකාශ විය.


අනතුරුව, සභාව පැය 1815 ට 2009 නොවැම්බර් මස 17 වැනි අඟහරුවාදා පැය 0930 දක්වා කල් තබන ලදී.

 

 

 

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.