පාර්ලිමේන්තුව

අද දින සභාවේ ප්‍රධාන කටයුතු

1959 අංක 8 දරන පනතින් ද ජාතික රාජ්‍ය සභාවේ 1978 අංක 6 දරන පනතින් සහ 1988 අංක 28 දරන පනතින් ද සංශෝධිත (40 වන අධිකාරය වූ) මහජන ආරක්ෂක ආඥාපනතේ 2 වැනි වගන්තිය යටතේ අතිගරු ජනාධිපතිතුමා විසින් ඉහත කී ආඥාපනතේ II වැනි කොටසේ විධිවිධාන ශ්‍රී ලංකාව මුළුල්ලේම 2008 නොවැම්බර් මස 02 වැනි දින සිට ක්‍රියාත්මක කරමින් කරන ලද ප්‍රකාශය අනුමත කළ යුතු බවට වන යෝජනාව ගරු අග්‍රාමාත්‍ය, අභ්‍යන්තර පරිපාලන අමාත්‍ය සහ රාජ්‍ය ආරක්ෂක, මහජන ආරක්ෂාව, නීතිය හා සාමය පිළිබඳ නියෝජ්‍ය අමාත්‍යවරයා විසින් ඉදිරිපත් කරනු ලදුව සම්මත විය.

ඒ අනුව, හදිසි නීතිය තවත් මසකට දීර්ඝ කරමින් හදිසි නීති විවාදය වැඩි ඡන්ද 75 කින් සම්මත විය. යෝජනාවට පක්ෂව ඡන්ද 85 ක් ප්‍රකාශ වූ අතර ඊට විරුද්ධව ඡන්ද 10 ක් ප්‍රකාශ විය.


පහත සඳහන් විෂයයන් ද (අද දින න්‍යාය පත්‍රයේ විෂයාංක 2, 3 සහ 4 වශයෙන් සඳහන් වන) සභාව විසින් සම්මත කරන ලදී:-

(i) විශේෂ වෙළෙඳ භාණ්ඩ බදු පනත යටතේ නියමයන් දෙකක්
(ii) මුදල් ගනුදෙනු වාර්තා කිරීමේ පනත යටතේ නියෝග


අනතුරුව, සභාව පැය 1634 ට 2008 නොවැම්බර් මස 6 වැනි බ්‍රහස්පතින්දා පැය 1300 දක්වා කල් තබන ලදී.

 

 

 

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.