පාර්ලිමේන්තුව

විද්‍යුත් ඡන්දය ප්‍රකාශ කිරීමේ පද්ධතිය මුල්වරට අද සභාවේ දී භාවිතයට ගැනුණි. එය භාවිතා‍ කරනු ලැබුවේ “විදේශ විනිමය පනත් කෙටුම්පත” තුන්වැනිවර කියවීම සඳහා ඡන්ද විමසීමක් සිදුකළ අවස්ථාවේදී ය.

‍මෙම පද්ධතිය 2016 දෙසැම්බර් මස 10 වැනි දින විසර්ජන පනත් කෙටුම්පත (2017) තුන්වැනි වර කියවීමෙන් අනතුරුව අත්හදා බලන ලදී. ඉන්පසු, පාර්ලිමේන්තුවේ ස්ථාවර නියෝග අංක 42, 43 සහ 44 හි විධිවිධානවලට යටත්ව පාර්ලිමේන්තුවේ මෙම සභාවාරය තුළ දී විද්‍යුත් ජන්ද ක්‍රමය භාවිතා කරමින් ඡන්දයක් පැවැත්විය හැකි බව 2017 ජූලි මස 5 වැනි දින පාර්ලිමේන්තුව තීරණය කරනු ලැබීය. මේ සඳහා අවැසි ප්‍රතිපාදන යෝජිත ස්ථාවර නියෝගවල අවසාන කෙටුම්පතෙහි ද ඇතුළත් කර තිබේ.