ශ්‍රී ලංකා පාර්ලිමේන්තුව - සභාවේ ඉදිරි කටයුතු - ඔක්තෝබර් මස පළමුවැනි රැස්වීම් සතියේ සභාවේ කටයුතු

ඔක්තෝබර් මස පළමුවැනි රැස්වීම් සතියේ සභාවේ කටයුතු	දිනය :	2015-09-29

2015 සැප්තැම්බර් මස 23 වැනි දින රැස්වූ පාර්ලිමේන්තු කටයුතු පිළිබඳ කාරක සභාව විසින් 2015 ඔක්තෝබර් මාසයේ පළමුවැනි රැස්වීම් සතියේ සභාවේ කටයුතු පිළිබඳව සාකච්ඡා කර පහත සඳහන් පරිදි එකඟ වන ලදී:-

2015 ඔක්තෝබර් මස 06 වැනි අඟහරුවාදා
ප.ව. 01.00 සිට ප.ව. 06.30	2013 අංක 36 දරන විසර්ජන පනත යටතේ යෝජනා හය පිළිබඳ කල් තබන ලද විවාදය ඉදිරියට කරගෙන යෑමට (2015.09.23 දින අංක 4 දරන න්‍යාය පත්‍රයේ විෂය අංක 1 සිට 6 දක්වා බලන්න)
ප.ව. 06.30 සිට ප.ව. 07.30	සභාව කල් තබන අවස්ථාවේ යෝජනාව (ආණ්ඩු පාර්ශ්වය)

2015 ඔක්තෝබර් මස 07 වැනි බදාදා
ප.ව. 01.00 සිට ප.ව. 06.30	පහත සඳහන් පනත් කෙටුම්පත්වල දෙවැනි වර කියවීමේ විවාදය:- (i) දේශීය ආදායම් (සංශෝධන) (ii) මුදල් (iii) එකතු කළ අගය මත බදු (සංශෝධන) (iv) ජාතිය ගොඩනැගීමේ බදු (සංශෝධන) (v) ආර්ථික සේවා ගාස්තු (සංශෝධන) (vi) විදුලි සංදේශ බදු (සංශෝධන) (vii) ඔට්ටු ඇල්ලීම හා සූදු බදු (සංශෝධන) (ඉහත සඳහන් පනත් කෙටුම්පත් 2015.09.22 දින පාර්ලිමේන්තුවට ඉදිරිපත් කරන ලදී)
ප.ව. 06.30 සිට ප.ව. 07.30	සභාව කල් තබන අවස්ථාවේ යෝජනාව (විරුද්ධ පාර්ශ්වය)

2015 ඔක්තෝබර් මස 08 වැනි බ්‍රහස්පතින්දා
ප.ව. 01.00 සිට ප.ව. 06.30	(i) නිෂ්පාදන බදු (විශේෂ විධිවිධාන) පනත යටතේ නියෝගය (2015.02.26 දිනැති අංක 1903/39 දරන අතිවිශේෂ ගැසට් පත්‍රයේ පළ කරන ලදී) (ii) (52 වැනි අධිකාරය වූ) සුරාබදු ආඥාපනත යටතේ සුරාබදු ‍නිවේදනය (2015.02.13 දිනැති අංක 1901/19 දරන අතිවිශේෂ ගැසට් පත්‍රයේ පළ කරන ලදී) (iii) විශේෂ වෙළඳ භාණ්ඩ බදු පනත යටතේ නියමයන් අටක් (පිළිවෙළින් 2014.12.02, 2014.12.12, 2014.12.31, 2015.01.22, 2015.02.14, 2015.02.24 සහ 2015.03.17 යන දිනැති අංක 1891/8, 1892/39, 1895/11, 1898/43, 1899/32, 1901/28, 1903/4 සහ 1906/7 දරන අතිවිශේෂ ගැසට් පත්‍රවල පළ කරන ලදී) (iv) (235 වැනි අධිකාරය වූ) රේගු ආඥාපනත යටතේ යෝජනා දෙකක් (පිළිවෙළින් 2015.01.29 සහ 2015.02.26 දිනැති අංක 1899/33 සහ 1903/40 දරන අතිවිශේෂ ගැසට් පත්‍රවල පළ කරන ලදී) (v) දේශීය භාණ්ඩාගාර බිල්පත් ආඥාපනත යටතේ යෝජනාව (ස්ථාවර නියෝග අංක 23 යටතේ නිවේදනය සඳහා 2015.09.25 දින නිකුත් කළ අංක 1 දරන න්‍යාය පුස්තකය බලන්න) (ඉහත විෂය අංක (i) සිට (iv) දක්වා සඳහන් වන නියෝග නවය, නිවේදනය සහ යෝජනා දෙක 2015.09.23 දින පාර්ලිමේන්තුවට ඉදිරිපත් කරන ලද අතර ඊට අදාළ යෝජනා ස්ථාවර නියෝග අංක 23 යටතේ නිවේදනය සඳහා 2015.09.25 දින නිකුත් කළ අංක 1 දරන න්‍යාය පුස්තකයේ පළ කරන ලදී)
ප.ව. 06.30 සිට ප.ව. 07.30	සභාව කල් තබන අවස්ථාවේ යෝජනාව (ආණ්ඩු පාර්ශ්වය)

2015 ඔක්තෝබර් මස 09 වැනි සිකුරාදා
ප.ව. 01.30 සිට ප.ව. 06.30	ඉන්දියානු ධීවරයින් විසින් ශ්‍රී ලංකා මුහුදෙහි මසුන් මැරීම පිළිබඳ කල් තැබීමේ විවාදය (විරුද්ධ පාර්ශ්වය - ජ.වි.පෙ)