පාර්ලිමේන්තුව

387/2025

ගරු චානක මාදුගොඩ මහතා,— ප්‍රවාහන, මහාමාර්ග, වරාය සහ සිවිල් ගුවන් සේවා අමාත්‍යතුමාගෙන් ඇසීමට,—

(අ)         (i)      ගාලු වරාය පරිශ්‍රයේ තිබූ බෝ ගස විනාශයට පත්වීම හේතුවෙන් ඒ වෙනුවට ජය ශ්‍රී මහා බෝධීන් වහන්සේගේ අංකුරයක් රෝපණය කිරීම සම්බන්ධයෙන් ගාලු වරායේ සේවකයන් සහ පාලන අධිකාරිය අතර ඇති මත භේදාත්මක තත්ත්වය පිළිබඳව දැනුම්වත්වී තිබේද;

(ii) එම  බෝ පැළය ගාලු වරාය පරිශ්‍රය තුළ රෝපණය කිරීමට ඇති බාධා කවරේද;

(iii) ‍ගාලු වරාය පරිශ්‍රය තුළ එම බෝ පැළය රෝපණය කිරීමට පියවර ගන්නේද;

(iv) ඉහත සඳහන් මත භේදාත්මක තත්ත්වය නිරාකරණය කිරීම සඳහා ගනු ලබන ක්‍රියාමාර්ග කවරේද;

යන්න එතුමා මෙම සභාවට දන්වන්නෙහිද?

(ආ) නොඑසේ නම්, ඒ මන්ද?