පාර්ලිමේන්තුව

379/2025

ගරු රෝහිත අබේගුණවර්ධන මහතා,— අධිකරණ සහ ජාතික ඒකාබද්ධතා අමාත්‍යතුමාගෙන් ඇසීමට,—

(අ)         (i)      ශ්‍රී ලංකාවේ බන්ධනාගාරවල සේවය කරනු ලබන නිලධාරින් සංඛ්‍යාව එක් එක් බන්ධනාගාරය අනුව වෙන් වෙන් වශයෙන් කොපමණද;

             (ii)      එම බන්ධනාගාරවල යටිතල පහසුකම්වල මේ වනවිට පවතින අඩුපාඩු කවරේද;

(iii) බන්ධනාගාරවල යටිතල පහසුකම් සංවර්ධනය කිරීම සඳහා ගෙන ඇති පියවර කවරේද;

යන්න එතුමා මෙම සභාවට දන්වන්නෙහිද?

(ආ) (i) බන්ධනාගාරගත කරනු ලබන පුද්ගලයන් සඳහා පිහිටුවා ඇති පුනරුත්ථාපන මධ්‍යස්ථාන සංඛ්‍යාව කොපමණද;

(ii) එම පුනරුත්ථාපන මධ්‍යස්ථානවල මේ වනවිට පුනරුත්ථාපනය කරනු ලබන පුද්ගලයන් සංඛ්‍යාව එක් එක් මධ්‍යස්ථානය අනුව වෙන් වෙන් වශයෙන් කොපමණද;

(iii) ඔවුන් පුනරුත්ථාපනය කිරීමේදී අනුගමනය කරනු ලබන ක්‍රමවේදය කවරේද;

යන්නත් එතුමා මෙම සභාවට දන්වන්නෙහිද?

(ඇ) නොඑසේ නම්, ඒ මන්ද?