பாராளுமன்றம்

குறிப்பிட்ட சட்ட விடயங்களில் சனாதிபதிக்கு சட்டத்தினால் பாதிப்பேற்படாத நிலைக்குரிய பாதுகாப்பிற்கு விலக்களிப்பதற்காக உறுப்புரை 35ற்கான திருத்தம்.

பாராளுமன்ற உறுப்பினர்களின் எண்ணிக்கையினை 225 வரையில் அதிகரிப்பதற்காக உறுப்புரை 62ற்கான திருத்தம்.

ஒரு சட்டமூலம் பற்றி மக்கள் கருத்தறி வாக்கெடுப்பொன்றிற்கு மனுசெய்யப்பட்டிருக்குமிடத்து, அச்சட்டமூலத்தின் சான்றுப்படுத்தலானது சனாதிபதியினால் அங்கீகரிக்கப்படலாகாது எனும் நிபந்தனையினை உள்ளடக்குவதற்காக உறுப்புரை 80ற்கான திருத்தம்.

எல்லை மீள்நிர்ணய ஆணைக்குழுவொன்றை நிறுவுவதற்காகவும் தேர்தல் மாவட்டங்களை வலயங்களாகப் பிரிப்பதற்காகவும் உறுப்புரை 96அ வை உட்சேர்த்தல்.

உறுப்புரை 96அ வை அமுல் படுத்துவதற்காக உறுப்புரை 98ற்கான திருத்தம்.

விகிதாசாரப் பிரதிநிதித்துவ முறைமையினை அமுல்படுத்துவதற்காக உறுப்புரை 99னை பதிலீடு செய்தல்.

பொதுத்தேர்தல் ஒன்றில் ஒவ்வொரு கட்சியும் சுயாதீனக் குழுக்களும் பெற்றுக்கொண்ட மொத்த வாக்குக்களின் எண்ணிக்கையின் அடிப்படையில் தேசியப் பட்டியலில் இருந்து 29 உறுப்பினர்களைப் பாராளுமன்றத்திற்கு தெரிவு செய்வது தொடர்பாக உறுப்புரை 99 அ வை உட்சேர்த்தல்.

மக்கள் கருத்தறி வாக்கெடுப்பு மனு அடங்கலாக தேர்தல் ஆட்சேபனை மனுக்கள் தொடர்பில் உயர் நீதி மன்றத்தின் நியாயாதிக்கத்தினை விஸ்தரிப்பதற்காக உறுப்புரை 130ற்கான திருத்தம்.

இந்த பிரசுரத்தை பகிர்ந்து கொள்க