Parliament of Sri Lanka - පාර්ලි‌මේන්තු‌වේ කථික මන්ත්‍රීවරුන්ට බලපාන රීති ‌මොනවාද?

පාර්ලි‌මේන්තු‌වේ කථික මන්ත්‍රීවරුන්ට බලපාන රීති ‌මොනවාද?

අධිකරණයක විනිශ්චයට පාත්‍ර වූ කිසිදු කරුණක් පිළිබඳව සඳහන් ‌නොකළ යුතුය. යම් ‌යෝජනාවක් ‌හෝ පනත්‌ කෙටුම්පතක් ඉදිරිපත් කළ මන්ත්‍රීවරයා/වරිය හැර වෙනත් මන්ත්‍රීවරයකු/වරියකට එය පිළිබඳව එක් වතාවකට වඩා කථා කිරීමට ඉඩ හරිනු නොලැ‌බේ. එනමුත් පූර්ණ පාර්ලි‌මේන්තු කාරක සභාවකදී මන්ත්‍රීවරයකු/වරියකට එක් වරකට වඩා වැඩි වාර ගණනක් කථා කිරීමට අවසර ‌දෙනු ‌ලැබිය හැකිය. එයට අමතරව, සභාව ඉදිරි‌‌යේ ‌යෝජනාවක් ‌නොතිබුණ ද හානියට ලක් වු මන්ත්‍රීවරයකු/වරියකට ‌පෞද්ගලික කරුණු පැහැදිලි කිරීමකට හිමිකම් ඇත. ‌කෙ‌සේ වුවද එබඳු පැහැදිලි කිරීම් සම්බන්ධ‌යෙන් විවාද කිරීමට ඉඩ නොලැ‌බේ. පාර්ලි‌මේන්තුවට නුසුදුසු භාෂා විලාසයන් භාවිතා ‌නොකරනු පිණිස මන්ත්‍රීන් සිය වි‌ශේෂ සැළකිල්ල යොමු කළ යුතුයි.