පාර්ලිමේන්තුව

කථානායක ගරු මහින්ද යාපා අබේවර්ධන මහතා මූලසනාරූඪ විය.

පාර්ලිමේන්තුවේ සභානායක ගරු දිනේෂ් ගුණවර්ධන මහතා ඉදිරිපත් කළ පහත සඳහන් යෝජනාවට සභාව එකඟ විය -

අමාත්‍යාංශයීය උපදේශක කාරක සභා

2022  ජනවාරි  21  දින පාර්ලිමේන්තුව විසින් සම්මත කරගත් යෝජනාවෙහි කුමක් සඳහන්ව තිබුණ ද, 2022 මැයි 17 වන දින තේරීම් කාරක සභාව විසින් තීරණය කළ පරිදි  විදුලිබල කටයුතු පිළිබඳ අමාත්‍යාංශයීය උපදේශක කාරක සභාව සහ බලශක්ති කටයුතු පිළිබඳ අමාත්‍යාංශයීය උපදේශක කාරක සභාව යන අමාත්‍යාංශයීය උපදේශක කාරක සභා “විදුලිබල සහ බලශක්ති කටයුතු පිළිබඳ අමාත්‍යාංශයීය උපදේශක කාරක සභාව”  ලෙස නැවත නම් කළ යුතුය.

කල් තැබීමේ යෝජනාව

“මෑතකදී ඇති වූ කෝලාහල හේතුවෙන් පොදු සහ පෞද්ගලික දේපලවලට සිදු වූ හානි” පිළිබඳ කල් තැබූ විවාදය තවදුරටත් පවත්වා හෙට දිනට කල් තබන ලදී.

අනතුරුව, පාර්ලිමේන්තුව පැය  1730 ට 2022 මැයි මස 19 වැනි බ්‍රහස්පතින්දා පැය 1000 දක්වා කල් තබන ලදී.

*  මෙය සංස්කරණය නොකරන ලද අනුවාදයකි. මෙදින කටයුතුවල නිල වාර්තාව සඳහා කරුණාකර හැන්සාඩ් වාර්තාව බලන්න.